ਘਰ ਉੱਥੇ ਹੋਣਾ ਚਾਹੀਦਾ ਹੈ ਜਿੱਥੇ ਤੁਸੀਂ ਹੋ,
ਨਾ ਕਿ ਚਾਰ ਕੰਧਾਂ ਅਤੇ ਇੱਕ ਛੱਤ ਵਾਲੀ ਕੋਈ ਇਮਾਰਤ,
ਅਤੇ ਨਾ ਹੀ ਕੋਈ ਖਾਸ ਨੰਬਰ।
ਪ੍ਰੇਮ ਰਾਵਤ:
ਇੱਕ ਘਰ ਜਿਸਨੂੰ “ਤੁਸੀਂ” ਕਿਹਾ ਗਿਆ
ਇਸ ਦੁਨੀਆ ਵਿੱਚ ਅਸੀਂ ਹੀ ਉਹ ਲੋਕ ਹਾਂ ਜਿਨ੍ਹਾਂ ਨੂੰ ਸ਼ਾਂਤੀ ਦੀ ਲੋੜ ਹੈ।
ਇਸ ਦੁਨੀਆ ਵਿੱਚ ਸ਼ਾਂਤੀ ਤੋਂ ਸਭ ਤੋਂ ਵੱਧ ਲਾਭ ਸਾਨੂੰ ਹੀ ਹੋਵੇਗਾ।
ਅਸੀਂ ਹੀ ਉਹ ਲੋਕ ਹਾਂ ਜਿਨ੍ਹਾਂ ਨੇ ਆਪਣੇ ਆਪ ਨੂੰ ਉਸ ਚੀਜ਼ ਤੋਂ ਬਹੁਤ ਦੂਰ ਕਰ ਲਿਆ ਹੈ ਜੋ ਕਦੇ ਬਹੁਤ ਸੌਖੀ ਸੀ।
ਅਤੇ ਅਸੀਂ ਹੀ ਉਹ ਲੋਕ ਹਾਂ ਜਿਨ੍ਹਾਂ ਨੂੰ ਘਰ ਵਾਪਸ ਆਉਣ ਦੀ ਲੋੜ ਹੈ।
ਬਹੁਤ ਸਮਾਂ ਪਹਿਲਾਂ, ਇੱਕ ਘਰ ਬਣਾਇਆ ਗਿਆ ਸੀ ਜਿਸਨੂੰ “ਤੁਸੀਂ” ਕਿਹਾ ਗਿਆ।
ਤੁਹਾਡੇ ਕੋਲ ਬਹੁਤ ਸਾਰੇ ਪਤੇ ਹਨ, ਪਰ ਇੱਕ ਪਤਾ ਗੁੰਮ ਹੈ,
ਅਤੇ ਇਹ ਉਹ ਪਤਾ ਹੈ ਜੋ ਤੁਹਾਨੂੰ ਆਪਣੇ ਆਪ ਨਾਲ ਜੋੜਦਾ ਹੈ।
ਆਪਣੇ ਆਪ ਨਾਲ।
ਤੁਹਾਡੀ ਬਹੁਤ ਸਾਰੇ ਲੋਕਾਂ ਨਾਲ ਜਾਣ-ਪਛਾਣ ਹੋਈ ਹੈ, ਅਤੇ ਤੁਸੀਂ ਬਹੁਤ ਸਾਰੇ ਲੋਕਾਂ ਨੂੰ ਜਾਣਦੇ ਹੋ,
ਪਰ ਇੱਕ ਵਿਅਕਤੀ ਅਜਿਹਾ ਹੈ ਜਿਸ ਨਾਲ ਤੁਹਾਡੀ ਜਾਣ-ਪਛਾਣ ਨਹੀਂ ਹੋਈ...
ਅਤੇ ਉਹ ਤੁਸੀਂ ਹੋ—ਆਪਣੇ ਆਪ ਨਾਲ।
ਕਿਉਂਕਿ ਕੋਈ ਇਹ ਨਹੀਂ ਕਹਿੰਦਾ, “ਆਓ, ਮੈਂ ਤੁਹਾਡੀ ਜਾਣ-ਪਛਾਣ ਤੁਹਾਡੇ ਨਾਲ ਕਰਾਵਾਂ...”
ਮੇਰੇ ਤੋਂ ਇਲਾਵਾ। ਮੈਂ ਇਹੀ ਕਰਦਾ ਹਾਂ।
ਮੈਂ ਘੁੰਮਦਾ-ਫਿਰਦਾ ਕਹਿੰਦਾ ਹਾਂ, “ਚੰਗਾ, ਆਓ ਮੈਂ ਤੁਹਾਡੀ ਜਾਣ-ਪਛਾਣ ਤੁਹਾਡੇ ਨਾਲ ਕਰਾਵਾਂ!”